Жаңаөзен қаласының орта мектебтерінде оқушыларға сыбайлас жемқорлыққа қарсы іс-қимыл туралы түсіндіру жұмыстары жүргізілуде.

29 қазан 2015 жыл

 

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Жаңаөзен аймағы бойынша ауданаралық бөлімінің ұйымдастыруымен ағымдағы жылдың  29 қазанында Жаңаөзен қалалық № 5 Гимназия Орта мектебінде сыбайлас жемқорлықтың алдын алуға қатысты семинар өткізілді. Іс-шара барысында сыбайлас жемқорлыққа қарсы сауаттандыру және жұртшылықпен өзара іс-қимыл жасау бөлімінің консультанты Елдос Таушанов  ұстаздар мен оқушыларға іс-шараның мақсаты, Бөлім қызметінің басым бағыттары, «Нұрлы жол-болашаққа бастар жол» атты ҚР Президентінің Халыққа Жолдауы және «100 нақты қадам» жоспарының талаптары,  Қазақстан Республикасының2015-2025 ж.ж. арналған Сыбайлас жемқорлыққа қарсы стратегиясы мен оның орындалу барысы бойынша түсіндіріп өтті және «Сыбайлас жемқорлық әлеуметтік құбылыс ретінде» атты тақырыпта дәріс оқыды. Сөз соңында семинар қатысушыларына Агенттіктің ресми www.anticorruption.gov.kz сайтының, өтініштерді қабылдауға арналған www.1494.kz порталының, 1494 Call-центрінің жұмысы бойынша, республикалық «Сыбайлас жемқорлықпен күрес саясаты» журналы және Департамент басшысының www.anticorruption-mangystau.kz ресми порталындағы блогына өтініш түсіру мүмкіндігі туралы ақпарат беріліп, сыбайлас жемқорлыққа қарсы сипаттағы жадынамалар таратылып, бейнероликтер көрсетіліп, әлеуметтік сауалнама жүргізілді. 

 

Балалар сыбайлас жемқорлыққа қарсы

2014 жылғы 18 желтоқсанда Көкшетау қаласында «Балалар сыбайлас жемқорлыққа қарсы» тақырыбындағы суреттер байқауының жеңімпаздары мен жүлдегерлерін  салтанатты түрде марапаттау рәсімі өткізілді.

Аталмыш суреттер байқауы Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Ақмола облысы бойынша Департаментімен Халықаралық сыбайлас жемқорлыққа қарсы күрес күніне және Қазақстан Республикасының Тәуелсіздігі мерекесіне арналған іс-шаралар аясында 2014 жылғы 5 желтоқсан мен 15 желтоқсан аралығында Көкшетау қаласындағы жалпы білім беретін мекемелердің 13-18 жас аралығындағы оқушылары арасында жарияланған болатын.

Суреттер байқауы негізінен қазақстандықтардың өскелең ұрпағында сыбайлас жемқорлыққа төзбеушілік  пен теріс көзқарастың қалыптасуы, сонымен қатар балалардың құқықтық мәдениетін арттыру мақсатында ұйымдастырылды.

Байқауға өз қолдарымен орындаған, байқаудың мақсат-міндеттеріне сәйкес келетін «Адал өмір сүр», «Сыбайлас жемқорлыққа «ЖОҚ» деп айтайық!», «Мен сыбайлас жемқорлыққа қарсымын!» тақырыптарындағы жұмыстар қабылданды. Байқауға барлығы 75 оқушының жұмыстары тіркелді.

Қазақстан Республикасының Тәуелсіздік күніне орай өткізілген салтанатты марапаттау рәсімінде Департамент басшысының орынбасары – Ақмола облысы тәртіптік кеңесінің Төрағасы Қуаныш Асылбекұлы Жапақов балаларды Тәуелсіздік мерекесімен құттықтап, байқауға қатысқандары үшін алғыс білдірді және оларға дипломдар мен бағалы сыйлықтар табыс етті.

Іс-шара қала мектептері шығармашылық коллективтерінің қатысуымен өткен мерекелік концерттік бағдарламамен жалғасты.